Forbs dərgisinin qiymətləndirməsinə görə, dünya qadınlarının yalnız 14 faizi bir milyard ABŞ dollarını keçən kapitala malikdir. “Milyarderlər klubunda” qadınların miqdarı 2 faizdən azını təşkil edir.

Uşaqlı qadınlar üçün ev və iş arasında bölünmək daha çətin olur. Uşağı olmayanlar üçün bu nisbətən asandır. Uşaqlara baxmaq üçün, qadınlar kişilərə nisbətən daha çox yarım-ştat işə keçməyə məcbur olurlar. Belə qadınlar qeyd edirlər ki, onların karyera imkanları uşağı olan kişilərə nisbətən azdır.

Bu gün gənc xanımlar daha çox “Call- Centers” – “Çağrı Mərkəzləri”ndə çalışmağa üstünlük verir. 27 yaşlı Gülnar Bayramova da belələrindəndir. Gülnar Bayramova ixtisasca ingilis dili müəlliməsi olsa da, çağrı mərkəzində operator kimi çalışır.

Cari ilin yanvar ayının 1-nə olan statistikaya əsasən, Dövlət Sosial Müdafiə Fondunun (DSMF) fərdi uçot sistemində fərdi şəxsi hesabı olan sığortaolunanların 900 min 851 nəfəri kişi, 740 min 213 nəfəri isə qadındır.